البنت الشاطره

 

البنت الشاطره الشطوره
بتصحي من النوم  ..

تنده علي ماما تلاقي
ماما رايحه في النوم  ..

بهدوء بهدوء تغسل ايدها
ووشها في الحوض  ..

وفاتحه براحه التلاجه
وفاطره الموجود  ..

فول وزبادي وحلاوه
ومربة توت  ..!!

**

البنت الشاطره الشطوره أد الكتكوت  ..

متنصحه أوي ونصاحتها
سُكر عنقود  ..

فرحانه مزقططه زقاطيطوا
حتخرُج م البيت  ..

ولمه حاجتها في
شنطتها وأيله يا فكيك  ..

المدرسه طاله على الشارع
وبابها حديد  ..!!

**

البنت الشاطره الشطوره
فرحانه بتميل  ..

عماله تجري وتنهز
شخاليل شخاليل  ..

ضامه دراعتها علي
كُتبها ويا الكشاكيل  ..

وبتحب دروسها وابلتها
بتشكُرها كتير  ..

ولا جت ولا مره في
يوم قالت دا واجبها تقيل  ..!!

**

البنت الشاطره الشطوره
بتجري ع الفصل  ..

وتصبح علي عم عبدُه
فراش الفصل  ..

كتاكيت الفصل الشاطرين
في نداوة الخسْ  ..

هاديين عاقلين وتملي
مالهومشي  حسْ  ..

لما ابلتهم تيجي
تشرح درّسْ ورا درس  ..!!

**

البنت الشاطره الشطوره
بترجع ع البيت  ..

وأوام تيجي قالعه
ملابسها بعقل وترتيب  ..

وتشطف روحها في حمامها
وعامله تواليت  ..

تتغدي خفيف وتروح نايمه
وساكه الشبابيك  ..

من بعد شويه تقوم صاحيه
مذاكره الحواديت  ..

البنت الشاطرة ..!!!!