شعر

قادره أكون



أنا مش حاضيع ..

لو يوم تبيع ..

قلبي في هواك ..

لأ مش ضعيف .. !!

**

قادره أكون ..

وافرض حلول ..

وانقِذ في لحظه قلبي الرهيف .. !!

**

إوعى تفكر إني عشان ..

سلمت ليك بعض الحنان ..

راح تبقى قصه من ألف قصه ..

وارضى معاك بضعف وهوان .. ؟!

**

فكر كتير ..

واحسب بعقلك ..

حجم الخساير لو جد سبتك ..

واخترت احارب ..

واحقق مأرب ..

قلبي اللي رافض جرح وعذاب .. !!

**

إخضع إليا ..

وبلاش عليا ..

تسوق المعانده ويا المناهده ..

وخليك معايا ..

بيزيد حلايا ..

وانت في حضني ولو شويه .. !!!!

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى